უკრაინის პრემიერ-მინისტრი ნიკოლაი აზაროვი აცხადებს, რომ იგი კატეგორიულად წინააღმდეგია რაიმე სახის რევოლუციების. ლარი კინგისთვის მიცემულ ინტერვიუში ნიკოლაი აზაროვმა აღნიშნა, რომ უკრაინამ რევოლუციების ლიმიტი ამოწურა.
„ჩვენთან ცოტა ხნის წინ - 7 წლის წინ იყო რევოლუცია. ადამიანებმა იგრძნეს რა არის ეს. ცალკეულ პოლიტიკოსებს ახლაც სურთ რევოლუცია, მაგრამ მე რევოლუციის კატეგორიული წინააღმდეგი ვარ", - განაცხადა აზაროვმა.
მისივე თქმით, 2004 წელს უკრაინა ევროპის ერთ ერთი ყველაზე წარმატებული ქვეყანა იყო, სადაც მნიშვნელოვნად იზრდებოდა მთლიანი შიდა პროდუქტი და ასევე ექსპორტი. P
პრემიერმა აღნიშნა, რომ განვითარების ასეთი გაგრძელების შემთხვევაში 10 წლის განმავლობაში ქვეყანა იქნებოდა აბსულუტურად განსხვავებული.
"2004 წლის ბოლოს ჩვენთან ხდება ნარინჯისფერი რევოლუცია და ჩვენ 5 წლით უკან ვიხევით" - განაცხადა აზაროვმა.
