საქართველოს პარლამენტის თავმჯდომარის დავით ბაქრაძის განცხადებით, პარლამენტის წევრთა რაოდენობის გაზრდაზე მიღწეული შეთანხმების გადახედვა ბიძინა ივანიშვილის ფაქტორს არ უკავშირდება. ამის შესახებ ბაქრაძემ დღეს, პარლამენტში გამართულ პრესკონფერენციაზე განაცხადა.
„რაოდენობის გაზრდა თვითმაიზანი არ არის და ეს არის ერთ-ერთი გზა რითაც ოპოზიციის გაძლიერება ხდებოდა და მე ამას არაფერ სხვა ფაქტორს არ ვუკავშირებ", - აღნიშნა პარლამენტის თავმჯდომარემ.
მისივე განმარტებით, დეპუტატთა რაოდენობის გაზრდის მოტივაცია გამოწვეული იყო პირველი რიგში ვენეციის კომისიის რაკომენდაციით, რომელიც საარჩევნო უბნების ზომებში განსხვავებას უკავშირდება.
„ვენეციის რეკომენდაცია იყო დიდი ოლქების ორად გაყოფა და სწორედ ამის გამო ხდებოდა მაჟორიტარების რაოდენობის გაზრდა 83-მდე.ამის პარალელურად რადგან ოპოზიცია თვლიდა, რომ მაჟორიტარული ოლქები დიდ პარტიებს, მათ შორის სახელისუფლებლო პარტიას უფრო აძლევს ხელს მათი მოთხოვნა იყო პარალელიურად გაზრდილიყო პარტიული სია უფრო მეტი დისპროპორციით, რაც საშუალებას მისცემდა მეტ ოპოზიციურ პარტიას მოხვედრილიყო პარლამენტში", - აღნიშნა მან.
ამასთან, ბაქრაძის შეფასებით, პარლამენტართა რაოდენობის გაზრდა საუკეთესო გამოსავალი არ არის.
„ჩემი პირადი პოზიცია თუ გაინტერესბთ, ვთვლი რაოდენობის გაზრდა საუკეთესო გამოსავალი არ არის. უკეთესი იქნება მომავალ პარლამენტში ოპოზიციის ფუნქციების გაძლერების კუთხით სხვა მექნიზმებზე თუ ვიფიქრებთ", - განაცხადა ბაქრაძემ.
