დიდი ბრიტანეთის პრემიერ-მინისტრმა დევიდ კემერონმა განაცხადა, რომ ევროპა ვალშია ვაცლავ ჰაველის წინაშე, რომელმაც „თავისი ცხოვრება ადამიანის თავისუფლებისათვის ბრძოლას მიუძღვნა".

„არავის, ჩემი თაობოდან, შეუძლია დაივიწყოს 20 წლის წინადელი საოცარი სცენები ვაცლავის მოედნიდან. ჰაველმა ჩეხ ხალხს ტირანია ჩამოაშორა", - ნათქვამია დიდი ბრიტანეთის ლიდერის განცხადებაში.

კულტურისა და დიდი ტალანტის ადამიანი უწოდა ვაცლავ ჰაველს საფრანგეთის პრეზიდენტნა ნიკოლა სარკოზიმ.

„ვაცლავ ჰაველი განასახიერებდა დემოკრატიისა და თავისუფლებისათვის დაუღალავ ბრძოლას. 1989 წლის „ხავერდივანი რევოლუციის" შემდეგ მისი პრეზიდენტობა გახდა იმ ცხოვრების გვირგვინი, რომელიც მთლიანად მიუძღვნა ბრძოლას ტოტალიტარიზმის წინააღმდეგ...", - ნათქვამია პრეზიდენტ სარკოზის განცხადებაში.

ჩეხეთის პრეზიდენტმა კი ვაცლავ ჰაველს „ჩეხეთის სახელმწიფოებრიობის სიმბოლო უწოდა".

სამძიმრის განცხადებები სხვა ქვეყნების ლიდერებმა და საზოგადო მოღვაწეებმაც გამოაქვეყნეს.

შეგახსენებთ, რომ 75 წლის ასაკში გარდაცვლილ ჩეხეთის პირველი პრეზიდენტს ვაცლავ ჰაველს 23 დეკემებრს დაკრძალავენ.