"ჩვენ გვაქვს ჩვენი ხმა და ძალა ჩვენი ხმის დასაცავად. ეს არის მთავარი სტრატეგია რაც ექნება „ქართულ პარტიას", - ამის შესახებ ჟურნალისტებთან საუბრისას ყრილობის დასრულების შემდეგ "ქართული პარტიის" პოლიტსაბჭოს წევრმა სოფო ხორგუანმა განაცხადა. მისი თქმით, პარტიის მთავარი ამოცანა, ახლა არჩევნებისთვის მზადებაა და იმედი აქვს, რომ მის დარეგისტრირებას იუსტიციის სამინისტრო ხელს არ შეუშლის.
"ახლა მთავარია იუსტიციის სამინისტრომ რეგისტრაციაში გაატაროს ამ პარტიების შერწყმა და ამის შემდეგ ჩვენ უკვე აქტიურად დავიწყებთ რეგიონებში მუშაობას", - აღიშნა ხორგუანმა.
მისივე თქმით, ქართულ პარტიას 30-მდე რაიონში აქვს რაიონული ორგანიზაციები, რომელთა გაძლიერება დაიწყება.
