"დაე, მომავალმა გაგვაკრიტიკოს, რომ ისე ვერ გავაკეთეთ, საკმარისად ვერ გავაკეთეთ უკეთ შეიძლებოდა, მაგრამ დღეს აღმშენებლობის პერიოდია და ამით ყველამ უნდა ვიამაყოთ", _ განაცხადა საქართველოს პრეზიდენტმა მიხეილ სააკაშვილმა თბილისში დავით აღმაშენებლის ხეივნის გასწვრივ აშენებული ახალი საცხოვრებელი უბნის გახსნაზე.
"არ ჯობია რომ იმაზე იკამათონ დღეს და იმაზე გვლანძღონ, რომ იქ, რომელიღაც ქანდაკება არ მოსწონთ, ვიდრე გამოუვალობისა და უპერსპექტივობის განცდა იყოს. ძალიან ბევრი კეთდება დღეს და ძალიან ბევრს ეს არ არ მოსწონს. მაგრამ ის უფრო მოგვწონდა, როცა არაფერი არ კეთდებოდა? ჯობია გვაკრიტიკონ იმაზე როგორ კეთდება ვიდრე ყველამ ცხვირი ჩამოუშვას და ხელები, რომ არაფერი არ კეთდება, როგორც ეს იყო ათწლეულების და ზოგჯერ ასწლეულების განმავლობაში საქართველოს ისტორიაში", _ განაცხადა საქართველოს პრეზიდენტმა და ხაზგასმით აღნიშნა: " ახლა არის კეთების დრო და დაე, მომავალმა გაგვაკრიტიკოს, რომ ისე ვერ გავაკეთეთ, საკმარისად ვერ გავაკეთეთ უკეთ შეიძლებოდა, ყოველთვის შეიძლება უკეთესი და ამას მე ვაღიარებ, მაგრამ დღეს არის აღმშენებლობის პერიოდი და ამით ყველამ უნდა ვიამაყოთ. შენების სურნელი ტრალებს ჰაერში", _ განაცხადა მიხეილ სააკაშვილმა.
