აღმაშენებლის გამზირზე პოლიციის ახალი შენობა გაიხსნა. შენობის გახსნას ესწრებოდა შინაგან საქმეთა მინისტრი ივანე მერაბიშვილი.
აღმაშენებლის გაზირის #113-ში მდებარე ძველი თბილისის რაიონის პოლიციის განყოფილების ახალი შენობა, სადაც 38 თანამშრომელი იმუშავებს და მოემსახურება აღმაშენებლის გამზირს და მიმდებარე ქუჩებზე მცხოვრებ მოსახლეობას. პროექტი შინაგან საქმეთა სამინისტროს ინფრასტრუქტურის განვითარების ნაწილია.
2008 წლიდან შინაგან საქმეთა სამინისტრომ ქ. თბილისის სხვადასხვა რაიონებში ააშენა და აამოქმედა პოლიციის განყოფილების ცხრამეტი ახალი შენობა, რომლებიც აღჭურვილია უახლესი კომპიუტერული ტექნიკით.
