მისი თქმით, 2012 წლის ბიუჯეტი პრაქტიკულად ყველა სფეროს სოფლის მეურნეობიდან დაწყებული რეგიონებში დაგეგმილი პროექტებს შეეხება.

"2012 წლის ბიუჯეტი მთავრობის მიერ წარმოდგენილ 10-პუნქტიან გეგმასთან ერთად ითვალისწინებს ჩვენი ქვეყნის შემდგომ განვითარებას. ხელისუფლების უმთავრესი სამიზნე დასაქმების მოგვარება იქნება. 2012 წლის ბიუჯეტის პროექტი უკვე შესულია საკანონმდებლო ორგანოში და მომდევნო ერთი თვის, თვენახევრის პერიოდში საქართველოს პარლამენტსა და საზოგადოებას ექნება შესაძლებლობა აქტიურად იყოს ჩართული ბიუჯეტის განხილვის პროცესში. ცალკეულ სამინისტროებს და უწყებებს მიცემული აქვთ დავალება, რათა მოხდეს პოზიციების საბოლოო შეჯერება და დროულად დამტკიცდეს ბიუჯეტი", - განაცხადა მანჯგალაძემ და აღნიშნა, რომ 2012 წლის ბიუჯეტის პარამეტრები სავარაუდოდ ასეთია: 7 მილიარდ 673 მილიონი შეადგენს მომწევნო წლის ბიუჯეტის მოცულობა, რაც წინა წლის ბიუჯეტთან შედარებით 322 მილიონით მეტია.

მანჯგალაძის თქმით ეს თანხა გადანაწილებულია ძირითად პრიორიტეტებზე როგორიც არის სოფლის მეურნეობა სადაც განსაზღვრულია შესაბამისი ტექნიკის განახლება და მევენახეობა მეღვინეობის განვითარება, ჯანდაცვის სფერო, სადაც განსაზღვრულია რომ კიდევ უფრო მეტი ადამიანისთვის გახდეს ეს სფერო ხელმისაწვდომი.

"განსაკუთრებული აქცენტია გაკეთებული პენსიონერთა დაზღვევაზე და ამისთვის თანხები გაზრდილია. განთლების სისტემაზე კი გათვალისწინებულია სერთიფიცირებული პედაგოგებისთვის ხელფასების მატება და სხვადასხვა რეგიონებში სასკოლო ინფრასტრუქტურის გაუმჯობესება" - განაცხადა მანჯგალაძემ.

პრეზიდენტის პრეს-სპიკერის განმარტებით, ინფრასტრუქტურული კუთხით რეგიონებში საკმაოდ მნიშვნელოვანი პროექტებია დაგეგმილი. მისი თქმით, რიგი პროექტებისა ამჟამად მიმდინარეობს ან არის დასრულებული. რიგი პროექტები კი ახალია.

"შესაამისად ზრდა მოდის სოფლის მეურნეობის, განათლების, ჯანდაცვისა და ინფრასტრუქტურის პროექტებზე. ჩვენ გვინდა ყურადღება გავამახვილოთ იმაზე რომ საქართველოს ხელისუფლების გადაწყვეტილებით სერიოზული სარეაბილიტაციო ინფრასტრუქტურული მსხვილი და საშუალო პროექტები განხორციელდება კახეთის რეგიონში. მნიშვნელოვანი პროექტებია დაგეგმილი რაჭაში, გურიასა და იმერეთში. სერიოზული გეგმები აქვს საქართველოს ხელისუფლებას ბორჯომთან და ახალციხესთან მიმართებაში. მნიშვნელოვანი პროექტები განხორციელდება ასევე თელავში, გორში, ზუგდიდში, მცხეთასა და ქუთაისში" - განაცხადა მანჯგალაძემ და აღნიშნა, რომ 2012 წლის ბიუჯეტი არის დასაქმებისა და მოდერნიზაციის ბიუჯეტი.