უკრაინის ვიცე-პრემიერ მინისტრის სერგეი ტიგიპკოს განცხადებით, საქართველო უკრაინის ურთიერთობები და ბიზნესგარემო დინამიკურად ვითარდება და ორ ქვეყანას შორის სავაჭრო ურთიერთობები კიდევ უფრო იზრდება. ტიგიპკომ აღნიშნა, რომ ის საქართველოში უკვე მესამედ იმყოფება და ხედავს იმ რეფორმებს, რაც საქართველოში წლების განმავლობაში გატადრა.
"მიმაჩნია, რომ ორი ქვეყნის ურთიერთობები დინამიკურად ვითარდება. ჩვენ სახელმწიფოებს შორის ყალიბდება ძალიან კარგი ურთიერთობა ყველა სფეროში. ჩვენ შეგვიძლია ვიყოთ კმაყოფილები ჩვენი სავაჭრო ურთიერთობებით რომელიც 2010 2011 წლებში 30 პროცენტზე მეტით გაიზარდა და ის პაუზა რომელიც სამთავრობათაშორისო კომისიის სხდომის ჩატარებაში იყო უნდა იყოს გამონაკლისი და ასეთი პასუხები შემდგომში აღარ უნდა არსებობდეს", - განაცხადა სერგეი ტიგიპკომ.
ცნობილია, რომ საქართველოში სამუშაო ვიზიტით უკრაინის ვიცე-პრემიერ სერგეი ტიგიპკოს ხელმძღვანელობით უკრაინის სამთავრობათაშორისო დელეგაცია იმყოფება, რომელსაც თან 100-ზე მეტი უკრაინული ბიზნესის წარმომადგენლები ესწრებიან. სასტუმრო ჰილდეიინ-ში დღეს საქართველოს ვიცე-პრემიერ მინისტრმა გიორგი ბარამიძემ ორმხრივი შეხვედრები გამართა სერგეი ტიგიპკოსთან. შეხვედრის შემდეგ საქართველოსა და უკრაინის ვიცე-პრემიერ მინისტრებმა საქართველო უკრაინის ერთობლივი სამთავრობათაშორისი ეკონომიკური კომისიის მე-6 პლენატურული სხდომა გახსნეს.
სხდომაზე სიტყვით გამოსვლისას გიორგი ბარამიძემ ისაუბრა საქართველოს მიერ განხორციელებულ წარმატებულ რეფორმაზე. ორ ქვეყანას შორის ეკონომიკური და ბიზნეს ურთიერთობების შემდგომი განვითარების პერსპექტივებზე და საქართველო უკრაინის მთავრობათაშორისო კომისიის, როგორც ქვეყნებს შორის მჭიდრო ეკონომიკური კავშირის განმრტკიცების ერთ-ერთი ქმედითი ინსტრუმენტის მნიშვნელობაზე,
შეხვედრაზე ხაზი გაესვა ქვეყნებს შორის თანამშრომლობის მნიშვნელობას ევროკავშირის "აღმოსავლეთ პარტნიორობის ფარგლებში". სამთავრობათაშორისო კომისიის სხდომის დასრულების შემდეგ სერგეი ტიგიპკომ და გიორგი ბარამიძემ ხელი მოაწერეს მთავრობათაშორისო კომისიის სხდომის ოქმს, რომელიც მოიცავს ორ ქვეყანას შორის თანამშრომლობის საკითხებს.
