საქართველო-უკრაინის ერთობლივი სამთავრობათაშორისო ეკონომიკური კომისიის მე-6 სხდომაზე საქართველო და უკრაინამ ყველა საკითხზე შეჯერება მოახერხეს . უკვე ცნობილია, რომ კომისიის რიგით მეშვიდეს სხდომა 2012 წელს კიევში გაიმართება. როგორც კომისიის სხდომის დასრულების შემდეგ საქართველოს ვიცე-პრემიერმა გიორგი ბარამიძემ აღნიშნა, კომისიის სხდომა გარკვეული პაუზის შემდეგ ჩატარდა, თუმცა მასზე ყველა საკითხის დეტალური განხილვა და მხარეებს შორის შეჯერება მოხდა.
"უკრაინულ დელეგაციას ჩამოჰყვა თითქმის ყველა სამინისტროს თანამდებობის პირები და ეს სხდომა ჩატარდა გარკვეული პაუზის შემდეგ. სხდომაზე შეჯერდა ყველა ის საკითხი, რომელიც უკრაინა საქართველოს წინაშე იდგა. ჩვენი ერების ურთიერთობა მრავალსაუკუნეებს ითვლის და ჩვენი მთავრობების ურთიერთობები დინამიურად ვითარდება. ჩვენ ვახდენთ ინფორმაციის გაცვლას და სამომავლოდ არსებული ურთიერთობები კიდევ უფრო გაღმავდება", - განაცხადა გიორგი ბარამიძემ.
