რუსეთის ფედერაცია სწავლობს შვეიცარიის მიერ წარმოდგენილ წინადადებებს და უახლოეს მომავალში ამ საკითხთან მიმართებაში თავის პოზიციას წარადგენს. ინფორმაციას ამის შესახებ რუსული მედია რუსეთის ეკონომიკის სამინისტროს წარმომადგენელზე დაყრდნობით ავრცელებს.
ამასთან ერთად, ეს თემა სატელეფონო საუბრის დროს განიხილეს რუსეთის საგარეო საქმეთა მინისტრმა სერგეი ლავროვმა და შვეიცარიის კონფედერაციის პრეზიდენტმა მიშლინ კალმირეიმ.
მათ შვეიცარიის საშუამავლო მისიის შესახებ ისაუბრეს, რაც ვაჭრობის მსოფლიო ორგანიაზაციაში რუსეთის გაწევრიანებას უკავშირდება.
ეს ინფორმაცია რუსეთის საგარეო საქმეთა სამინისტროს მიერ არის გავრცელებული. მათივე ინფორმაციით, ეს საუბარი შვეიცარიის მხარის ინიციატივით გაიმართა.
