მუამარ კადაფის სისხლიანი სხეული ლიბიის ქალაქ მისრატას სავაჭრო ცენტრის მაცივარში ყველას დასანახად გამოიტანეს. ინფორმაციას ამის შესახებ ადგილობრივი მედია ავრცელებს. მისრატის მაცხოვრებლები გრძელ რიგში დგანან იმისათვის რათა კადაფის უსიცოცხლო სხეული თავისი თვალით იხილონ.
გავრცელებული ინფორმაციით კადაფის სხეულის მნახველთა რაოდენობა იმდენად დიდია, რომ დაცვამ რიგში წესრიგის შენარჩუნება ვერ მოახერხა და ნახვის საათები დააწესა. რიგში მდგარი ადამიანები ყვირიან "ჩვენ ძაღლის ნახვა გვინდა".
დამთვალიერებლები ასევე აქტიურად იღებენ ფოტოსურათებსაც გარდაცვლილის სხეულთან. სხეული წელამდე შიშველია.
შეგახსნებთ, რომ ლიბიის მმართველი მუამარ კადაფი, რომელიც ქვეყანას 42 წლის განმავლობაში მართავდა ქალაქ სირტში, ვაჟთან ერთად მოკლეს.
