„ივანიშვილის პოლიტიკაში წასვლის შესახებ გავრცელებული განცხადებებიდან 2 დღეში გადავწყვიტე ჩამეწერა მასთან ინტერვიუ და მივმართე მის პრესსამსახურს თავისუფალი ჟურნალისტის სტატუსით. ახლა მივიღე პასუხი და დღეს უნდა ჩავწერო ინტერვიუ. ეს იქნება ტელევერსია, რომელიც "ლიბერალში"გამოქვეყნდება და აუდიო-ვიდეო ვერსიები დაურიგდება ტელევიზიებსა და სოციალურ ქსელში მომუშავე სააგენტოებს", - აღნიშნა „ჯი-ეიჩ-ენთან" ჟურნალისტმა.

აღსანიშნავია, რომ ნინო ჟიჟილაშვილი ბიზნესმენ ბიძინა ივანიშვილთან ოჯახური პორტრეტზე მუშაობასაც აპირებს.

„ეს იქნება 2-წუთიანი პროფაილი, მინდა ივანიშვილის ოჯახური პორტრეტი გავაკეთო, თუმცა ამაზე ჯერ პასუხი არ მიმიღია პრესამსახურიდან. დღევანდელ ინტერვიუზე გავიგებ ზუსტ პასუხს", - თქვა ჟიჟილაშვილმა.

ჟურნალისტი უარყოფს, რომ ბიძინა ივანიშვილის ცხოვრებასა და საქმიანობაზე ფილმს იღებს. იგი უარყოფს, ასევე, რომ ფილმის გადაღება ჟურნალისტს ივანიშვილის მხარემ დაუკვეთა.