უნგრეთის პრემიერ-მინისტრმა პეტერ მადიარმა განაცხადა, რომ რუსეთის თავდასხმების გამო უნგრეთი უკრაინასთან სარკინიგზო მიმოსვლას 17 და 18 ნოემბერს შეაჩერებს.
მადიარის თქმით, რუსეთის მიერ უკრაინაზე თავდასხმის დროს რუსული დრონი ქალაქ მუკაჩევოს რკინიგზის სადგურიდან 300 მეტრში ჩამოვარდა.
მისი განცხადებით, ინციდენტის დროს უნგრეთიდან ჩასული მატარებლის უნგრელი ეკიპაჟის ევაკუაცია განხორციელდა. ამის შემდეგ მთავრობამ უკრაინასთან სარკინიგზო მიმოსვლის დროებით შეჩერების გადაწყვეტილება მიიღო.
ამასთან, უნგრეთის საგარეო საქმეთა მინისტრმა ანიტა ორბანმა, რუსეთის მიერ დილით იმიერკარპატიის ოლქზე განხორციელებული თავდასხმის შემდეგ, განაცხადა, რომ სოლიდარობას უცხადებს როგორც ზაკარპატიის უნგრულ თემს, ისე მთელ უკრაინელ ხალხს, რომელსაც, მისი თქმით, თითქმის ხუთი წელია ყოველდღიურად უწევს ომის საშინელებებთან გამკლავება.
„ეს იმიერკარპატიაზე პირველი საჰაერო თავდასხმა არ არის და, სამწუხაროდ, სავარაუდოდ, არც უკანასკნელი იქნება“, - განაცხადა უნგრეთის საგარეო საქმეთა მინისტრმა.