მოლდოვაში, დონდუშენის რაიონში, სოფელ სკაიენის მიმართულებით, მინდორზე დრონი ჩამოვარდა და აფეთქდა. ამის შესახებ ინფორმაციას ადგილობრივი მედია მოლდოვის თავდაცვის სამინისტროზე დაყრდნობით ავრცელებს.
უწყების ცნობით, უპილოტო საფრენი აპარატი სოფელ კოდრენიი-ნოუს მიმდებარე ტერიტორიაზე, სკაიენის მიმართულებით ჩამოვარდა. მანამდე, 16 ოქტომბერს, დაახლოებით 16:22 საათზე, მოლდოვის საჰაერო ოპერაციების ცენტრმა ქვეყნის საჰაერო სივრცეში, სოროკის ოლქში სავარაუდო უნებართვო ფრენა დააფიქსირა.
მომხდარის ყველა გარემოება ჯერ დადგენილი არ არის. თავდაცვის სამინისტროს განცხადებით, ქვეყნის საჰაერო სივრცის მონიტორინგი შესაბამის უწყებებთან და პარტნიორებთან კოორდინაციით გრძელდება.
