აშშ-ის პრეზიდენტმა დონალდ ტრამპმა განმარტა, რატომ ერიდება რუსეთის პრეზიდენტ ვლადიმერ პუტინისთვის დიქტატორის წოდებას. მისი თქმით, ეს იმითაა განპირობებული, რომ რუსეთთან შეთანხმებების მიღწევა სურს. ამის შესახებ ტრამპმა ალასკაში, Gray Television-ის ჟურნალისტ ჯონ დეკერთან ინტერვიუში ისაუბრა.
ტრამპს ჰკითხეს, რატომ არ ეთანხმება რესპუბლიკელ სენატორ დენ სალივანს, რომელიც პუტინს დიქტატორსა და ავტორიტარს უწოდებს და რუსეთთან დიზელის მიწოდების შეთანხმებას აკრიტიკებს.
„ადამიანებთან შეთანხმებების მიღწევა მიწევს, ამიტომ მათ შეურაცხმყოფელი სახელებით არ მოვიხსენიებ. მე გარიგებების დადების ოსტატი ვარ. ყოველთვის კარგად გამომდიოდა შეთანხმებების მიღწევა. სწორედ გარიგებებით გავხდი ძალიან მდიდარი. ამიტომ ადამიანებს არ დავცინი“, - განაცხადა ტრამპმა .
ტრამპმა უკრაინაში ომის დაწყებაშიც აშშ-ის ყოფილ პრეზიდენტ ჯო ბაიდენს დასდო ბრალი. მისი მტკიცებით, ბაიდენი რუსეთსა და სხვა ქვეყნებს დასცინოდა, რამაც, ტრამპის აზრით, ომის დაწყებას შეუწყო ხელი.
.
