15 ოქტომბრის ღამეს უკრაინის თავდაცვის ძალებმა ვორონეჟის ოლქში მდებარე რუსეთის სამხედრო აეროდრომ „ბორისოგლებსკს“ სარაკეტო დარტყმა მიაყენეს, რის შემდეგაც ობიექტის ტერიტორიაზე მასშტაბური ხანძარი გაჩნდა.
ინფორმაციას უკრაინული მედია მონიტორინგის Telegram-არხებზე დაყრდნობით ავრცელებს.
მონიტორინგის რესურსების ინფორმაციით, აეროდრომზე სარაკეტო იერიში განხორციელდა, რის შემდეგაც სამხედრო ბაზის ტერიტორიაზე ხანძარი გაჩნდა.
აეროდრომ „ბორისოგლებსკს“ რუსული ძალები აქტიურად იყენებენ გამანადგურებლებისა და ბომბდამშენების, Су-34-ისა და Су-35-ის განსათავსებლად. ამ თვითმფრინავებს რეგულარულად იყენებენ უკრაინის პოზიციებისა და ფრონტისპირა ქალაქების მიმართულებით მართვადი საავიაციო ბომბების ჩამოსაგდებად.
გარდა ამისა, აეროდრომის ტერიტორიაზე განთავსებულია საავიაციო ბომბების საწყობები და საავიაციო საწვავის დიდი რეზერვუარები.
დარტყმის შედეგად მიყენებული ზარალის მასშტაბის შესახებ უკრაინის შეიარაღებული ძალების გენერალურ შტაბს ან რუსეთის ოფიციალურ პირებს ამ დროისთვის ინფორმაცია არ გაუვრცელებიათ.
