კანადამ 20 მილიარდის ღირებულების ამერიკულ საქონელზე 15-დან 50%-მდე საპასუხო ტარიფები დააწესა. ახალი ზომები ძალაში 8 სექტემბრიდან შევა.
კანადის ხელისუფლების განცხადებით, ზომები აშშ-ის მიერ დაწესებულ ტარიფებს დოლარ-დოლარზე პრინციპით პასუხობს.
700 პროდუქტზე 15%-იანი, 25%-იანი და 50%-იანი ტარიფები დაწესდება.
50%-იანი ტარიფი განისაზღვრა ფოლადისთვის, რომელსაც ადრე 25%-იანი ბეგარა ეხებოდა. 50%-იანი ტარიფი გავრცელდება თაფლზე, ავეჯსა და ტანსაცმელზე. 25%-იანი ტარიფი დაეკისრება საოჯახო ტექნიკას, რძის პროდუქტებს, თევზეულსა და ზღვის პროდუქტებს, 15% განისაზღვრება გარკვეულ ინსტრუმენტებსა და აღჭურვილობებზე, დანადგარებზე, მათ შორის ამწეებსა და კონდიციონერებზე.
კანადის ფინანსთა მინისტრის, ფრანსუა-ფილიპ შამპანის თქმით, ეს კანადის საპასუხო რეაგირების მხოლოდ ერთი ნაწილია. ახალ არსებით ზომებზე კი კოლეგებთან ერთად იმუშავებს.
