რუსული მხარის განცხადებით, გასულ ღამეს მოსკოვსა და მოსკოვის ოქლზე დრონებით იერიში განხორციელდა. მათი თქმით, 620 დრონიდან 180 მოსკოვის ოლქში ჩამოაგდეს.
ინფორმაცას მოსკოვის მერი სერგეი სობიანინი ავრცელებს.
სობიანინის განცხადებებში მხოლოდ აღნიშნულია, რომ „საგანგებო სამსახურების სპეციალისტები ნამსხვრევების ჩამოვარდნის ლოკაციებზე მუშაობენ“
სოციალურ ქსელებში წერენ, რომ რუსეთის საჰაერო თავდაცვის მუშაობის შედეგად ხანძრები გაჩნდა და დრონების ნამსხვრევები ჩამოვარდა.
ასევე გავრცელდა ინფორმაცია მოსკოვის ნავთობგადამამუშავებელი ქარხნის მიმდებარე ტერიტორიაზე დრონის ჩამოვარდნის შესახებ, თუმცა თავად ქარხნის დაზიანება ჯერჯერობით არ დადასტურებულა.
ამასTan, ოფიციალურმა ხელისუფლებამ თავდასხმის ზოგიერთი შედეგი უკვე დაადასტურა. მოსკოვის ოლქის გუბერნატორმა ანდრეი ვორობიოვმა განაცხადა, რომ დრონი მოსკოვის ოლქის ბოგოროდსკის რაიონში, ატლანტ-პარკის მიმდებარედ, Wildberries-ის საწყობს მოხვდა, რის შედეგადაც ხანძარი გაჩნდა.
ასევე, კოლომნაში, დრონის ნამსხვრევების ჩამოვარდნის შემდეგ, სავაჭრო პავილიონს, სავაჭრო ცენტრ „გლობუსის“ მიმდებარე ტერიტორიაზე, ცეცხლი გაუჩნდა. ელექტროსტალში კი დაზიანდა ავტომობილი და სატრანსფორმატორო ქვესადგური.
