უკრაინის სპეციალური ოპერაციების ძალებმა დონეცკის ოლქში, ალექსანდროვსკის მიმართულებაზე მდებარე დასახლება ანდრიივკა-კლევცოვო (ყოფილი ისკრა) რუსი ოკუპანტებისგან გაათავისუფლეს. ამის შესახებ უკრაინის უკრაინის სპეციალური ოპერაციების ძალებში განაცხადეს.
რუსეთის სამხედროები დასახლების დაკავებას დიდი ხნის განმავლობაში ცდილობდნენ მცირე ქვეითი ჯგუფებით - ისინი ეტაპობრივად შედიოდნენ სოფელში და პოზიციებს იკავებდნენ.
თუმცა უკრაინის სპეციალური ოპერაციების ძალების მე-3 პოლკის მებრძოლებმა კომპლექსური ოპერაცია ჩაატარეს.
ოპერაციის შედეგად 30 რუსი სამხედრო ტყვედ ჩაბარდა. ანდრიივკა-კლევცოვო კვლავ უკრაინის კონტროლქვეშაა.
