უკრაინის პრეზიდენტის ვოლოდიმირ ზელენსკის განცხადებით, უკრაინამ სამარის ოლქში „როსკოსმოსის“ ერთ-ერთ საწარმოს დაარტყა.
"დღეს ჩვენი შორეული დარტყმების ახალი მნიშვნელოვანი შედეგებია.
რუსეთის სამარის ოლქში დაზიანდა „როსკოსმოსის“ ერთ-ერთი მთავარ საწარმო - „პროგრესის“ ცენტრი, რომელიც, სხვა მიმართულებებთან ერთად, ელექტრონიკის წარმოებაშიც იყო ჩართული. გამოყენებული იყო „ფლამინგოს“ რაკეტები. კარგი შედეგია. უკრაინის საზღვრიდან მანძილი დაახლოებით 900 კილომეტრია.
ჩვენმა შორეული მოქმედების საშუალებებმა ასევე მიაღწია სავასლეიკის ავიაბაზას, სადაც რუსული რაკეტების მატარებლები არიან განთავსებული და საიდანაც ისინი ჩვენს ქალაქებსა და სოფლებზე დარტყმებს ახორციელებენ - უკრაინიდან დაახლოებით 700 კილომეტრში.
ასევე გვაქვს დადასტურება, რომ დაზიანდა ნავთობის ობიექტი უსტ-ლუგაში - 800 კილომეტრზე მეტ მანძილზე ჩვენი საზღვრიდან.
მადლობას ვუხდი ყველა ჩართულ ქვედანაყოფს სიზუსტისთვის. რუსეთის წინააღმდეგ ჩვენი შორეული მოქმედების გეგმა ამ ომის გამო ხორციელდება და მნიშვნელოვანია, რომ რუსეთის საომარი პოტენციალი შემცირდეს.
საჭიროა მშვიდობა და ეს რუსეთშიც უნდა გახდეს თვალსაჩინო - კონკრეტული ობიექტებისთვის მიყენებული კონკრეტული ზიანის სახით.
დიდება უკრაინას!" - წერს ზელენსკი.
