უკრაინის თავდაცვის სამინისტრომ რუსეთის სამინისტროს მუქარას, რომ უკრაინას „გაყინავს“, უპასუხა და განაცხადა, რომ „ზამთარი ცხელი იქნება“.
უკრაინის თავდაცვის სამინისტრომ Telegram-ზე გამოაქვეყნა პოსტერი, რომელზეც სანაპიროზე მდებარე მოგიზგიზე ნავთობბაზა და ცაში სამი უპილოტო საფრენი აპარატია გამოსახული, რომლებიც უკრაინულ დრონ „ლიუტის“ ჰგავს, პოსტერზე დატანილია წარწერა: „სიცივეში ფრინველები ცხელი ადგილებისკენ მიფრინავენ.“
მანამდე, რუსეთის თავდაცვის სამინისტრომ უკრაინისთვის ზამთარში „გაყინვის“ მუქარის შემცველი დრონების ფოტო გამოაქვეყნა.
რუსეთის თავდაცვის სამინისტრომ Telegram-არხზე რუსული დამრტყმელი დრონების ფოტო გამოაქვეყნა წარწერით „თოვლივით მოულოდნელად“ და დაურთო ფრაზა: „ზამთარში „გაყინვა“ გელოდებათ“.
