რუსეთში ეკატერინბურგთან ახლოს, სოფელ ველიკი ისტოკში რუსული დრონების - „უპირის“ მწარმოებელი კომპანიის ხელმძღვანელის ვლადიმირ ტკაჩუკის ავტომობილი აფეთქდა .
რუსული გამოცემა "ტასის" ინფორმაციით, „ურალდრონზავოდის“ გენერალური დირექტორი ვლადიმირ ტკაჩუკი აფეთქების შედეგად მძიმედ დაშავდა და რეანიმაციაში იმყოფება.
მოგვიანებით მედიამ გაავრცელა ინფორმაცია, რომ ტკაჩუკის ავტომობილის აფეთქების ფაქტზე განზრახ მკვლელობის მცდელობის მუხლით სისხლის სამართლის საქმე აღიძრა.
რუსული გამოცემა Mash-ის ინფორმაციით, ვლადიმირ ტკაჩუკის, რომელიც ასევე Telegram-არხ „Повёрнутые на войне“-ის ავტორია, ავტომობილი წინასწარ დამონტაჟებული ასაფეთქებელი მოწყობილობით ააფეთქეს.
