ირანის საგარეო საქმეთა მინისტრი, აბას არაღჩი შაბათს შვეიცარიაში გამგზავრებას გეგმავს, სადაც აშშ-ის წარმომადგენლებთან შესაძლო მოლაპარაკებები უნდა გაიმართოს.
Axios-ის ჟურნალისტ ბარაკ რავიდის ინფორმაციით, არაღჩიმ უცხოელ კოლეგებთან საუბრისას აღნიშნა, რომ ლიბანში ცეცხლის შეწყვეტა ირანისთვის კრიტიკულად მნიშვნელოვანი საკითხია და აშშ-სთან მოლაპარაკებების დაწყებაში „გადამწყვეტ როლს“ ასრულებს.
ამავე ცნობით, აშშ-ის პრეზიდენტის სპეციალური წარმომადგენელი სტივ უიტკოფი უკვე მიემართება შვეიცარიისკენ, ხოლო ჯარედ კუშნერი ქვეყანაში უკვე იმყოფება.
წყაროების თქმით, ვიზიტის დეტალები საბოლოოდ ჯერ კიდევ დაზუსტების პროცესშია და გეგმები შესაძლოა შეიცვალოს.
