მივესალმებით G7-ის ძლიერ განცხადებას, რომელიც მოიცავს ახალ ნაბიჯებს უკრაინის მხარდაჭერის გასაძლიერებლად და რუსეთზე ზეწოლის გასაზრდელად, - ამის შესახებ უკრაინის საგარეო საქმეთა მინისტრი ანდრი სიბიჰა სოციალურ ქსელში წერს.
მისი თქმით, „დიდი შვიდეულის“ ლიდერების განცხადებაში შეინიშნება „ტონისა და შეფასებების“ დადებითი ცვლილებამ ასევე უკრაინასა და ოკავშირეებს შორის უფრო მჭიდრო თანხვედრა. მისივე თქმით, უკრაინა აფასებს ასეთ ერთიანობასა და სიძლიერეს.
"დიდი შვიდეული" კიდევ ერთხელ ადასტურებს, რომ მსოფლიოს ყველაზე ძლიერი დემოკრატიები ერთად დგანან უკრაინის გვერდით და მზად არიან უკრაინისთვის ყოვლისმომცველი, სამართლიანი და ხანგრძლივი მშვიდობის აღდგენისთვის.
ეს არის მნიშვნელოვანი მხარდაჭერის სიგნალი, რომელსაც უკრაინა დიდად აფასებს.
ჩვენ ასევე გულწრფელად ვუხდით მადლობას "დიდ შვიდეულს" უკრაინის თავდაცვის შესაძლებლობების, საჰაერო თავდაცვისა და ენერგეტიკული მდგრადობის გაძლიერებისკენ გადადგმული კონკრეტული ნაბიჯებისთვის, ასევე რუსეთის წინააღმდეგ სანქციების გამკაცრებისთვის.
ვიდრე რუსეთი არ გამოხატავს რეალურ მზადყოფნას კეთილსინდისიერი დიპლომატიისთვის, არსებული ბერკეტები უნდა იქნას გამოყენებული, რათა ის საბოლოოდ დაჯდეს მოლაპარაკებების მაგიდასთან", - წერს სიბიჰა.
