რუსეთის საგარეო საქმეთა მინისტრმა სერგეი ლავროვმა აშშ-ის სახელმწიფო მდივანს მარკო რუბიოს აცნობა, რომ რუსეთი იწყებს დარტყმებს უკრაინაში „გადაწყვეტილების მიღების ცენტრებზე“. ამის შესახებ რუსული მედია იუწყება.
რუსეთის საგარეო საქმეთა სამინისტროს განცხადებით, სერგეი ლავროვმა ამერიკულ მხარეს ოფიციალურად მიაწოდა ინფორმაცია, რომ უკრაინის მიერ რუსეთის ტერიტორიაზე სამოქალაქო ობიექტებსა და მშვიდობიან მოსახლეობაზე განხორციელებული „ტერორისტული თავდასხმების“ საპასუხოდ, რუსეთის შეიარაღებული ძალები იწყებენ „სისტემურ და თანმიმდევრულ დარტყმებს კიევში მდებარე ობიექტებზე“.
ლავრობმა რუბიოს ასევე შეახსენა რეკომენდაცია, რომ უკრაინის დედაქალაქიდან ევაკუირებულ იქნას დიპლომატიური პერსონალი და სხვა მოქალაქეები.
მან ასევე გამოთქვა სინანული იმის გამო, რომ, მისი თქმით, კიევის რეჟიმი და ევროპული ელიტები ცდილობენ შეარყიონ მოსკოვსა და ვაშინგტონს შორის მიღწეული შეთანხმებები, რომლებიც გასულ წელს ალასკაზე შედგა.
შეგახსენებთ, რუსეთის საგარეო საქმეთა სამინისტროში განაცხადეს, რომ რუსეთის არმია თანმიმდევრულად მიიტანს იერიშებს უკრაინაში გადაწყვეტილებების მიღების ცენტრებზე. უწყებამ უცხო ქვეყნების მოქალაქეებს კიევის დატოვებისკენ მოუწოდა.
