პოლონეთის ქალაქ როგოჟნოს მახლობლად მომხდარ სარკინიგზო ავარიას ერთი ადამიანი ემსხვერპლა, კიდევ 18 კი დაშავდა.
როგორც Polsat News იუწყება, შემთხვევა ობორნიკის ოლქის სოფელ გარბატკაში მოხდა.
შემთხვევა მაშინ მოხდა, როდესაც როგოჟნო-პოზნანის მიმართულებით მოძრავი მატარებელი სარკინიგზო გადასასვლელზე სატვირთო მანქანას შეეჯახა. ავარიის შედეგად სატვირთოს ცეცხლი გაუჩნდა, ხოლო მატარებელი რელსებიდან გადავიდა.
მატარებელში რამდენიმე ათეული ადამიანი იმყოფებოდა. შემთხვევის შედეგად ერთი ადამიანი დაიღუპა, 18 კი დაშავდა.
შემთხვევის ადგილზე სახელმწიფო და მოხალისე მეხანძრეთა 11 ბრიგადა მუშაობდა. ასევე მობილიზებული იყო სასწრაფო სამედიცინო დახმარების ჯგუფები და საჰაერო სასწრაფო დახმარების ვერტმფრენები.
