აშშ-ის სახელმწიფო დეპარტამენტის დელეგაციის წევრები ოპოზიციის წარმომადგენლებს ხვდებიან.
ოპოზიციის წარმომადგენლები აშშ-ის სახელმწიფო დეპარტამენტის ევროპისა და ევრაზიის საქმეთა ბიუროს წარმომადგენელს, პიტერ ანდრეუსს ხვდებიან. შეხვედრა სასტუმრო „თბილისი მარიოტში“ მიმდინარეობს. ოპოზიციიდან დელეგაციას გრიგოლ გეგელია, ლევან ცუცქირიძე და ანა დოლიძე ხვდებიან.
ოპოზიციის წარმომადგენლების განცხადებით, საუბრის მთავარი თემები ქვეყანაში მიმდინარე პოლიტიკური პროცესები, მედიისა და სამოქალაქო საზოგადოების მდგომარეობა, ასევე დასავლეთთან ურთიერთობები იქნება.
"უპირველეს ყოვლისა, ჩანს ის, რომ აშშ არის დაინტერესებული საქართველოს საკითხით, ეს არის მესამე ვიზიტი ძალიან მოკლე პერიოდის განმავობაში. ეს არის მნიშვნელოვანი სიგნალი, რომ ტრამპი არსად წასულა, პირიქით, სულ უფრო მეტად არის დაინტერესებული იმით, რომ საქართველოში იყოს პოლიტიკური მშვიდობა და იმით, რომ საქართველოს ეროვნული ინტერესები და აშშ-ს ეროვნული ინტერესები ამ რეგიონში იყოსძლიერად დაცული. ჩვენ, ა თქმა უნდა, ეხვედრას ახლა ვიწყებთ, ამიტომ ჯერ კიდევ ველით იმას, თუ რა იქნება ამერიკის გზავნილი. ისინი ძალიან კარგად არიან ინფორმირებულები და დღესაც კარგად იქნებიან ინფორმირებული ქვეყანაში მიმდინარე მოვლენებთან დაკავშირებით. ჩვენ მოველით ძალიან მკაფიო პასუხებს იმ კონკრეტულ საკითხებზე, რაც ახლა დგას. მათ შორის იმაზე, თუ როგორ ხედავს აშშ ჩვენი ორმხრივი ურთიერთობების გაგრძელებას, რას მოითხოვს ის "ქართული ოცნების" რეჟიმისგან და შესაბამისად, როგორ წარიმართება ჩვენი პოლიტიკური ცხოვრება შემდეგ თვეებში, - თქვა „ძლიერი საქართველოს“ წევრმა გრიგოლ გეგელიამ შეხვედრამდე.
