რუსეთის საგარეო საქმეთა მინისტრის, სერგეი ლავროვის განცხადებით, დასავლეთი ცდილობს რუსეთის მოკავშირეების, პირველ რიგში კი მისი მეზობლების, ჩამოშორებას. მისი თქმით, მსგავსი ტაქტიკა ამჟამად სომხეთის მიმართაც გამოიყენება.
„დასავლეთი ცდილობს ჩვენი მოკავშირეების ჩამოშორებას, პირველ რიგში კი ჩვენი მეზობლების - როგორც ეს გააკეთა საქართველოსა და მოლდოვის შემთხვევაში, როგორც ახლა აკეთებს უკრაინის შემთხვევაში და როგორც ცდილობს სომხეთის იმავე, მცდარ ლოგიკაში ჩათრევას,“ - განაცხადა ლავროვმა საგარეო და თავდაცვის პოლიტიკის საბჭოს ყოველწლიურ ასამბლეაზე.
მისივე თქმით, დასავლეთის ქვეყნები ამას ერთი მიზნით აკეთებენ - „რაც შეიძლება მეტი ზიანი მიაყენონ რუსეთს“.
