ირანის წინააღმდეგ შესაძლო ქმედებებთან დაკავშირებით გადაწყვეტილებას მხოლოდ აშშ-ის პრეზიდენტი დონალდ ტრამპი მიიღებს. ამის შესახებ თეთრი სახლის პრესმდივანმა ქეროლაინ ლევიტმა განაცხადა.
მისი კომენტარი მას შემდეგ გაკეთდა, რაც ტრამპმა ბოლო 24 საათის განმავლობაში ირანის წინააღმდეგ ახალი მუქარების სერია გაავრცელა და პირობა დადო, რომ მათ დღეს საღამოს განახორციელებს, თუ მისი ულტიმატუმი ჰორმუზის სრუტის გახსნის შესახებ არ შესრულდება.
„ირანის რეჟიმს აღმოსავლეთის დროით 20:00 [თბილისის დროით, 8 აპრილი, 04:00] საათამდე აქვს დრო, რომ ისარგებლოს მომენტით და შეერთებულ შტატებთან შეთანხმებას მიაღწიოს“, - თქვა ლევიტმა.
კითხვაზე, მზად იყო თუ არა ტრამპი ბირთვული იარაღის გამოსაყენებლად, მან უპასუხა: „მხოლოდ პრეზიდენტმა იცის, როგორ იქნება და რას გააკეთებს“.
შეგახსენებთ, ტრამპმა დღეს, სოციალურ ქსელში დაწერა: „ამაღამ მთელი ცივილიზაცია დაიღუპება და აღარასდროს დაბრუნდება. არ მინდა, რომ ეს მოხდეს, მაგრამ ალბათ მოხდება“
