ნატო-ს საჰაერო და სარაკეტო თავდაცვის სისტემებმა ირანიდან გაშვებული ბალისტიკური რაკეტა გაანეიტრალა, რომელიც თურქეთის საჰაერო სივრცეში შევიდა.
ამის შესახებ თურქეთის თავდაცვის სამინისტრო პლატფორმა X-ზე იუწყება.
მათი ცნობით, რაკეტა ჩაჭრა აღმოსავლეთ ხმელთაშუა ზღვაში განლაგებულმა ნატო-ს საჰაერო და სარაკეტო თავდაცვის სისტემებმა.
სამინისტრო აღნიშნავს, რომ თურქეთის ტერიტორიისა და საჰაერო სივრცისკენ მიმართული ნებისმიერი საფრთხის წინააღმდეგ ყველა საჭირო ზომა „მტკიცედ და ყოყმანის გარეშე“ მიიღება.
ეს ახლო აღმოსავლეთში ომის დაწყებიდან მეოთხე მსგავსი ინციდენტია.
მიმდინარე თვეში ნატო-ს თავდაცვის სისტემებმა თურქეთის საჰაერო სივრცეში ირანიდან შესული რამდენიმე ბალისტიკური რაკეტა მოიგერია. ირანიდან ბალისტიკური რაკეტების გაშვების ფონზე, ნატო-მ თურქეთის სამხრეთ-აღმოსავლეთში Patriot-ის საჰაერო თავდაცვის სისტემა განალაგა.
