თეთრი სახლის პრესმდივანმა ქეროლაინ ლევიტმა განაცხადა, რომ ამერიკელი ოფიციალური პირები დანიისა და გრენლანდიის წარმომადგენლებთან მოლაპარაკებებს „ყოველ ორ-სამ კვირაში“ გამართავენ.
ამის შესახებ ლევიტმა პრესკონფერენციაზე განაცხადა.
შეგახსენებთ, რომ ოთხშაბათს, 14 იანვარს, თეთრ სახლში ვიცე-პრეზიდენტ ჯეი დი ვენსთან და სახელმწიფო მდივან მარკო რუბიოსთან მოლაპარაკებების შემდეგ, დანიის საგარეო საქმეთა მინისტრმა ლარს ლოკე რასმუსენმა განაცხადა, რომ გრენლანდიასთან დაკავშირებით „ფუნდამენტური უთანხმოება“ კვლავ არსებობს, თუმცა ორივე მხარე მოლაპარაკებებს გააგრძელებს.
„ამ შეხვედრაზე ორივე მხარე შეთანხმდა, რომ შეექმნათ პირებისგან შემდგარი სამუშაო ჯგუფი, რომელიც გააგრძელებს ტექნიკურ მოლაპარაკებებს.
მითხრეს, რომ ეს მოლაპარაკებები ორ-სამ კვირაში ერთხელ გაიმართება“, - თქვა ლევიტმა.
მან ასევე განაცხადა, რომ ევროპული ქვეყნებიდან გრენლანდიაში სამხედრო ძალების განლაგება გავლენას არ მოახდენს აშშ-ის პრეზიდენტ დონალდ ტრამპის გეგმებზე კუნძულის კონტროლის შესახებ.
ცნობისათვის, მიმდინარე კვირაში რამდენიმე ევროპულმა ქვეყანამ განაცხადა, რომ გრენლანდიაში ჯარებს აგზავნიან.
ეს მოხდა აშშ-ის პრეზიდენტის განცხადებების ფონზე, რომ გრენლანდიის თავდაცვა „ორი ძაღლის მარხილისგან“ შედგება.
