ველით, რომ საქართველო შეასრულებს ქიმიური იარაღის შესახებ კონვენციით ნაკისრ ვალდებულებებს, რათა უზრუნველყოს, რომ კონვენციით ტოქსიკური ქიმიკატების გამოყენების აკრძალვების ნებისმიერი სავარაუდო დარღვევა სათანადოდ იქნას გამოძიებული, - ამის შესახებ გაერთიანებული სამეფოს სახელმწიფო მინისტრმა, ევროპის, ჩრდილოეთ ამერიკისა და ზღვისიქითა ტერიტორიების საკითხებში, სტივენ დაუთმა განაცხადა.
"ღრმად შეშფოთებული ვიყავი BBC-ის რეპორტაჟით, რომელშიც ნათქვამი იყო, რომ საქართველოს პოლიციამ 2024 წლის ბოლოს თბილისში მომიტინგეების წინააღმდეგ ტოქსიკური ქიმიკატები გამოიყენა და ჩვენ ველით, რომ საქართველო შეასრულებს ქიმიური იარაღის შესახებ კონვენციით ნაკისრ ვალდებულებებს, რათა უზრუნველყოს, რომ კონვენციით ტოქსიკური ქიმიკატების გამოყენების აკრძალვების ნებისმიერი სავარაუდო დარღვევა სათანადოდ იქნას გამოძიებული" , - განაცხადა სტივენ დაუთმა, თემთა პალატის წევრის, ჯესიკა მორდენის კითხვის პასუხად, რომელიც BBC-ს გამოძიებას ეხებოდა.
