მთავრობის ადმინისტრაციის წინ, სადაც საპროტესტო აქცია მიმდინარეობს, ერთი პირი გიორგი მელითაური დააკავეს.
როგორც ჟურნალისტებს მისმა მეუღლემ განუცხადა, გიორგი მელითაური, სავარაუდოდ, პოლიციასთან არაკორექტული საუბრისთვის დააკავეს.
აქცია-მსვლელობამ სლოგანით “რეჟიმი გვწამლავს, ჩატარდეს საერთაშორისო გამოძიება“ პარლამენტიდან მთავრობის ადმინისტრაციასთან გადაინაცვლა.
მოქალაქეები თავდაპირველად ფილარმონიასთან შეიკრიბნენ და მსვლელობით პარლამენტთან მივიდნენ, რის შემდეგაც მთავრობის ადმინისტრაციისკენ წასვლა გადაწყვიტეს. მთავრობის ადმინისტრაციასთან ისმის შეძახილები "რუსებო".
მომიტინგეებმა ასევე, დაწვეს ვლადიმერ პუტინისა და ბიძინა ივანიშვილის გამოსახულებით პლაკატი.
