ადამიანის უფლებების დარღვევების შესახებ შეშფოთების გამოთქმა არ შეიძლება „სახელმწიფო ინტერესებისთვის დაზიანებად“ ჩაითვალოს, - ამის შესახებ გაერო-ს სპეციალური მომხსენებელი უფლებადამცველთა საკითხებში, მერი ლოულორი სოციალურ ქსელში წერს.
„გავიგე შემაშფოთებელი ამბავი, რომ საიას ადამიანის უფლებათა პროგრამის დირექტორი, თამარ ონიანი და მისი თანამშრომელი სახელმწიფო უსაფრთხოების სამსახურში დაიბარეს და მოწმის სახით გამოკითხეს BBC-ის დოკუმენტურ ფილმში გაკეთებული განცხადებების გამო. ადამიანის უფლებების დარღვევის შესახებ შეშფოთების გამოთქმა „სახელმწიფოს ინტერესების დაზიანებად“ არ უნდა ჩაითვალოს.
