აშშ-ის პრეზიდენტის, დონალდ ტრამპის ადმინისტრაცია უკრაინაში სამშვიდობო შეთანხმების მიღწევის თაობაზე „ძალიან ოპტიმისტურად“ არის განწყობილი. ეს განცხადება თეთრი სახლის პრესმდივანმა ქეროლაინ ლევიტმა გააკეთა. ამის შესახებ Sky News წერს.
მისი თქმით, ამერიკელმა მომლაპარაკებლებმა და თავად ტრამპმა „ამაზე ძალიან ბევრი იმუშავეს“. მან აღნიშნა, რომ უკრაინის წარმომადგენლებთან „ძალიან კარგი მოლაპარაკებები“ შედგა. ახლა სპეციალური წარმომადგენელი სტივ უიტკოფი რუსეთში მიემგზავრება.
„ვიმედოვნებთ, რომ ეს ომი საბოლოოდ დასრულდება“, - დასძინა ლევიტმა.
თავის მხრივ, აშშ-ის სახელმწიფო მდივანმა, მარკო რუბიომ, განაცხადა, რომ უკრაინულ მხარესთან მოლაპარაკებების შემდეგ „ჯერ კიდევ ბევრი სამუშაოა გასაკეთებელი“.
„ეს დელიკატური საკითხია. ის რთულია.
ბევრი ცვლადი ფაქტორი არსებობს და ცხადია, არსებობს კიდევ ერთი მხარე, რომელიც ამ პროცესში უნდა ჩაერთოს და ეს გაგრძელდება ამ კვირის ბოლოს, როდესაც სტივ უიტკოფი მოსკოვში გაემგზავრება,“ - განაცხადა ლევიტმა.
