მუხლი გადააკვალიფიცირეს... ალეკო ელისაშვილს ედავებიან ტერორიზმს, - ამის შესახებ ალეკო ელისაშვილის ადვოკატმა, გიორგი რეხვიაშვილმა დიღმის წინასწარი დაკავების იზოლატორის დატოვების შემდეგ განაცხადა.
"ახლა მოგვეცა საშუალება, გავცნობოდეთ ბრალის დადგენილებას. როგორც ჩვენთვის ხდება ცნობილი, ალექსანდრე ელისაშვილს ედავებიან ტერორიზმს, ეს არის სისხლის სამართლის დანაშაული. 19-323-ე მუხლის პირველი ნაწილი, რომელიც ითვალისწინებს 10-დან 15 წლამდე პატიმრობას. რა თქმა უნდა, ალექსანდრე ელისაშვილი არ აღიარებს ბრალს. ის აღიარებს ქმედებას და არა ბრალს, ამ შემთხვევაში და არათუ იმ დანაშაულს. დანაშაული მას ამ შემთხვევაში არ აქვს ჩადენილი და ის გამოხატავდა, ეს იყო უბრალოდ პროტესტის გამოხატვის ფორმა.
რაც შეეხება ტერორიზმს, ეს არის აბსურდული. მანამდე იყო დაწყებული 187-ე მუხლის მე-2 ნაწილის 1 ა ქპუნქტით, რომელიც ითვალისწინებდა 3-დან 6 წლამდე, თუმცა, როგორც ჩანს, არ ეყოთ ეს სანქცია და გადაუკვალიფიცირეს ტერორიზმის მუხლით, რომელიც 10-დან 15 წლამდე პატიმრობას ითვალისწინებს. საქმეს იძიებს გენერალური პროკურატურა, ამ ეტაპზე", - თქვა მან.
"ძლიერი საქართველოს" ერთ-ერთი ლიდერი გუშინ დააკავეს. შსს-ს განცხადებით, შენიღბულმა ალეკო ელისაშვილმა სასამართლოს კანცელარიის შენობის დაწვა სცადა.
