შინაგან საქმეთა სამინისტროს პოლიციის აკადემიაში, უწყების წარმომადგენლებისთვის ექსპერტების გადამზადების სპეციალური კურსი ჩატარდა. სწავლების ფარგლებში გადამზადება ჩაუტარდათ შინაგან საქმეთა სამინისტროს საექსპერტო-კრიმინალისტიკური დეპარტამენტის რეგიონული დანაყოფების წარმომადგენლებს.
გადამზადების კურსი შინაგან საქმეთა სამინისტროს საექსპერტო-კრიმინალისტიკურმა დეპარტამენტმა, ISO 17020-ის საერთაშორისო აკრედიტაციის შესაბამისად შეიმუშავა და მიზნად ისახავს პროფესიული სტანდარტების გაუმჯობესებასა და ექსპერტთა კვალიფიკაციის კიდევ უფრო ამაღლებას.
სასწავლო პროგრამა მოიცავდა საგამოძიებო პროცესში ექსპერტის საქმიანობის ყველა მნიშვნელოვან პრაქტიკულ მიმართულებას, მათ შორის, შემთხვევის ადგილის დათვალიერებასა და სხვა საგამოძიებო მოქმედებებში ჩართვას. საკვალიფიკაციო კურსის ფარგლებში განსაკუთრებული ყურადღება გამახვილდა ისეთ მნიშვნელოვან საკითხებზე, როგორიცაა: შემთხვევის ადგილის სათანადო წესით დოკუმენტირება, პოტენციური მტკიცებულების იდენტიფიცირება, მტკიცებულების წესების შესაბამისად ამოღება-დალუქვა და სხვ.
გადამზადების მრავალკომპონენტიანი პროგრამა მოიცავდა როგორც თეორიულ, ისე პრაქტიკულ ნაწილს, ასევე, იმიტირებულ სცენარებზე დაფუძნებულ აქტივობებსა დაშემთხვევის ადგილის დათვალიერების სიმულაციას.
სწავლების დახურვის ღონისძიებას, აკადემიის წარმომადგენლებთან ერთად, საექსპერტო-კრიმინალისტიკური დეპარტამენტის დირექტორი, თენგიზ სისაური დაესწრო და ტრენინგის მონაწილეებს შესაბამისი სერტიფიკატები გადასცა.
