კიევში ვიზიტის დროს, აშშ-ის არმიის მდივანმა დენ დრისკოლი ევროპელ ოფიციალურ პირებს რუსეთიდან მომდინარე სარაკეტო საფრთხის შესახებ აფრთხილებდა. დისკოლმა დასავლელ პარტნიორებს განუცხადა, რომ რუსეთის სარაკეტო საფრთხე უკრაინის ფარგლებს სცდება. იუწყება The New York Times.
დრისკოლის თქმით, წლების განმავლობაში რუსეთი რაკეტებს უკრაინაში დაახლოებით იმ სიჩქარით უშვებდა, რამდენის წარმოებაც შეეძლო. თუმცა, ახლა რუსეთის ფედერაცია მათ საკმარის რაოდენობას აწარმოებს შორი დისტანციის იარაღის მარაგების შესავსებად.
„მიუხედავად იმისა, რომ ნაკლებად სავარაუდოა, რომ რუსეთი მნიშვნელოვნად შეანელებს იარაღის წარმოებას ომის დასრულების შემთხვევაშიც კი, კონფლიქტის დასრულებამ შესაძლოა მოსკოვს წაართვას ნებისმიერი პოტენციური გამართლება სხვა ევროპული ქვეყნის მიმართულებით რაკეტების ან დრონების გაშვებისთვის“, - წერს NYT-ს.
დასავლელმა ოფიციალურმა პირებმა, რომლებიც დრისკოლს შეხვდნენ, გამოცემას განუცხადეს, რომ რუსეთის სამხედრო ძალების გაძლიერება საგანგაშო იყო და აღნიშნეს, რომ მისმა გაფრთხილებამ რეზონანსი გამოიწვია.
გამოცემა დასძენს, რომ აშშ-ის შეფასება რუსეთის სარაკეტო მარაგების შესახებ, რომელსაც უკრაინის სამხედრო მონაცემები და ანალიტიკოსების გათვლები ადასტურებს, რუსეთის თავდაცვის ინდუსტრიაში მნიშვნელოვან ცვლილებაზე მიუთითებს.
ექსპერტები ამბობენ, რომ რუსეთს შეუძლია თავისი რეზერვები გამოიყენოს უკრაინის ისედაც დაზიანებული ელექტროინფრასტრუქტურის გასანადგურებლად.
„ამან შესაძლოა უკრაინის ისედაც შემცირებული საჰაერო თავდაცვის სარაკეტო მარაგი ამოწუროს და კიევის მსგავსი რეგიონები დაუცველი დატოვოს. ანალიტიკოსები ასევე აღნიშნავენ, რომ რუსეთი შესაძლოა, სხვა ევროპულ ქვეყნებს სარაკეტო ან დრონებით თავდასხმებით დაემუქროს“, - აღნიშნავს გამოცემა.
