საქართველოს შინაგან საქმეთა სამინისტროსა და განათლების, მეცნიერებისა და ახალგაზრდობის სამინისტროს ერთობლივი ინიციატივით, სკოლებში ანტინარკოტიკული კამპანია „მე მომავალში“ გრძელდება.
კამპანიის ფარგლებში, მართლწესრიგის ოფიცრებმა და საგანმანათლებლო დაწესებულების მანდატურის სამსახურის წარმომადგენლებმა შეხვედრები, საქართველოს მასშტაბით, 52 საჯარო სკოლაში უკვე ჩაატარეს, რომელშიც მონაწილეობა 3000-მდე მოსწავლემ მიიღო.
კამპანიის მიზანია მოზარდებში ჯანსაღი ცხოვრების წესის პოპულარიზაცია და ფსიქოაქტიური ნივთიერებების ავადმოხმარების პრევენცია. თეორიულთან ერთად, შეხვედრები მოიცავს პრაქტიკულ აქტივობებს - როლურ თამაშებს, დისკუსიებს, ანიმაციური ვიდეოს ჩვენებას და სხვა.
ინფორმაციას შინაგან საქმეთა სამინისტრო ავრცელებს
