დანიის ევროპის საკითხთა მინისტრის, მარი ბიერეს შეფასებით, მაშინ, როცა ევროპა სწრაფად აძლიერებს გაფართოების პროცესს და კანდიდატ ქვეყნებს წინსვლის ახალი შესაძლებლობები ეძლევათ, საქართველო პირიქით, ევროპულ გზას ყოველდღიურად შორდება. ამის შესახებ დანიის ევროპულ საქმეთა მინისტრმა, მარი ბიერემ ევროკავშირის ზოგად საქმეთა საბჭოს შეხვედრამდე ჟურნალისტებთან ისაუბრა.
მისი თქმით, სამწუხაროა, რომ საქართველომ ევროპულ გზაზე სიარული არ აირჩია.
"გაფართოება არის დანიის თავმჯდომარეობის სტრატეგიული პრიორიტეტი. ახლა არის გაფართოების ახალი იმპულსი მომენტუმი, რადგან ეს უკავშირდება ევროპის უსაფრთხოებასა და სტაბილურობას. ჩვენ წინ უნდა წავიწიოთ გაფართოების კუთხით და მივცეთ კანდიდატ ქვეყნებს, პირველ რიგში უკრაინას, მოლდოვას და ბალკანეთის ქვეყნებს ევრoპული პერსპექტივა. დღეს ვხსნით ახალ კლასტერს ალბანეთთან, ვიმედოვნებთ ,რომ ზოგად საქმეთა მომდევნო შეხვედრაზე მონტენეგროსთან თავებს ჩავხურავთ. გვინდა, წინ წავიწიოთ მოლდოვასა და უკრაინასთანაც და რეალურად მივდივართ კიდეც წინ. სამწუხაროდ, საქართველომ არჩევანი გააკეთა არ იაროს ევროპულ გზაზე და ყოველდღიურად შორდება ევროკავშირს", - განაცხადა მარი ბიერემ.
