სსიპ ბირთვული და რადიაციული უსაფრთხოების სააგენტოსა და კავკასიის საერთაშორისო უნივერსიტეტს შორის თანამშრომლობის მემორანდუმი გაფორმდა.
დოკუმენტს ხელი სსიპ ბირთვული და რადიაციული უსაფრთხოების სააგენტოს უფროსმა ნინო უტიაშვილმა და კავკასიის საერთაშორისო უნივერსიტეტის რექტორმა კახაბერ კორძაიამ მოაწერეს.
აღნიშნული მემორანდუმის მიზანია მხარეთა საერთო ინტერესების სფეროში თანამშრომლობა, საგანმანათლებლო-კვლევითი საქმიანობის ხელშეწყობა და სტუდენტთათვის პრაქტიკაზე დაფუძნებული ცოდნის გაზიარება.
დოკუმენტი ხელს შეუწყობს მხარეებს შორის გრძელვადიან პარტნიორობას. სამეცნიერო-კვლევითი საქმიანობის მხარდაჭერას და ერთობლივი სამეცნიერო-საგანმანათლებლო ღონისძიების ჩატარებას.
შეხვედრის ფარგლებში, ნინო უტიაშვილმა სტუდენტებსა და აკადემიურ პერსონალს სსიპ ბირთვული და რადიაციული უსაფრთხოების სააგენტოს საქმიანობა გააცნო. პრეზენტაციის შემდეგ შეხვედრა ინტერაქტიულ ფორმატში, სტუდენტების აქტიური ჩართულობით, კითხვა-პასუხის რეჟიმში გაგრძელდა.
