უკრაინის უსაფრთხოების სამსახურის ხელმძღვანელმა, ვასილ მალიუკმა პრესკონფერენციაზე განაცხადა, რომ 2023 წელს უკრაინის თავდაცვის ძალებმა რუსეთის ტერიტორიაზე "სამი ორეშნიკიდან ერთი გაანადგურეს".
უკრაინული დაზვერვის მონაცემებით, რუსეთს ჰქონდა სამი „ორეშნიკის“ რაკეტის გაშვების შესაძლებლობა, ერთი მათგანი გამოიყენა, მეორე კი უკრაინის თავდაცვის ძალებმა გაანადგურეს. უკრაინის საგარეო დაზვერვის სამსახურის მონაცემებით, რუსეთს, სულ მცირე, ერთი გასროლა აქვს დარჩენილი.
"ეს იყო მეტად წარმატებული ოპერაცია, რომელიც იმ დროისთვის საჯაროდ არ გაჟღერებულა. ამის შესახებ მხოლოდ უკრაინის პრეზიდენტს ჰქონდა ინფორმაცია, აგრეთვე იცოდნენ რამდენიმე სხვა ქვეყნის პრეზიდენტებმა. ეს მოხდა იმ დროს, როცა სახელწოდება ორეშნიკი ფართო საზოგადოებისთვის ცნობილი ჯერ კიდევ არ იყო და რუსები ამ იარაღით განსაკუთრებულად არ იმუქრებოდნენ. თუ არ ვცდები, ეს შარშანწინ, ზაფხულში მოხდა" - განაცხადა მალიუკმა.
ამასთან, უკრაინის პრეზიდენტმა, ვოლოდიმირ ზელენსკიმ განაცხადა, რომ რუსეთი ბელარუსში „ორეშნიკის“ სარაკეტო სისტემის განლაგებას გეგმავს.
