CNN ამერიკელ და ევროპელ წყაროებზე დაყრდნობით იუწყება, რომ პენტაგონმა უკრაინისთვის Tomahawk-ის რაკეტების მიწოდებას მწვანე შუქი აუნთო, თუმცა საბოლოო გადაწყვეტილებას დონალდ ტრამპი მიიღებს.
აშშ-ის შეიარაღებული ძალების შტაბის უფროსების კომიტეტის თავისი შეფასება თეთრ სახლს ოქტომბრის დასაწყისში, დონალდ ტრამპისა და ვოლოდიმირ ზელენსკის ვაშინგტონში შეხვედრამდე ცოტა ხნით ადრე წარუდგინა, რომელმაც რაკეტების მიწოდება მოითხოვა.
ამის ნაცვლად, ტრამპმა ზელენსკისთან შეხვედრაზე განაცხადა, რომ არ ისურვებდა უკრაინისთვის რაკეტების მიწოდებას და აღნიშნა: „ჩვენ არ გვინდა უარი ვთქვათ იმაზე, რაც ჩვენი ქვეყნის დასაცავად გვჭირდება“.
ორი ევროპელი ოფიციალური პირის თქმით, პენტაგონის შეფასებამ აშშ-ის ევროპელი მოკავშირეები გაამხნევა, რომლებიც მიიჩნევენ, რომ აშშ-ს ახლა ნაკლები მიზეზი აქვს, რომ არ მიაწოდოს რაკეტები.
ტრამპმა ზელენსკისთან შეხვედრამდე რამდენიმე დღით ადრე ასევე განაცხადა, რომ შეერთებულ შტატებს აქვს „ბევრი Tomahawk “, რომელთა მიწოდებაც უკრაინისთვის პოტენციურად შეუძლია.
ამიტომ ამერიკელი და ევროპელი მაღალჩინოსნები გაკვირვებულები დარჩნენ, როდესაც ტრამპმა რამდენიმე დღის შემდეგ მოულოდნელად შეცვალა თავისი პოზიცია და ზელენსკისთან სამუშაო სადილზე განაცხადა, რომ შეერთებულ შტატებს Tomahawk -ები სჭირდება.
შემდეგ მან ზელენსკის დახურულ კარს მიღმა განუცხადა, რომ აშშ რაკეტებს არ მიაწვდიდა, სულ მცირე, ამ ეტაპზე მაინც.
