აშშ-ის ვიცე-პრეზიდენტმა ჯეი დი ვენსმა განაცხადა, რომ პრეზიდენტ დონალდ ტრამპის განცხადება ბირთვული იარაღის გამოცდის შესაძლო განახლების შესახებ მისი ფუნქციონირების შენარჩუნების აუცილებლობასთან იყო დაკავშირებული.
„პრეზიდენტი გააგრძელებს ამაზე მუშაობას, თუმცა აშშ-ის ეროვნული უსაფრთხოების მნიშვნელოვანი ნაწილია იმის უზრუნველყოფა, რომ ჩვენი ბირთვული არსენალი გამართულად ფუნქციონირებდეს და ეს გამოცდის რეჟიმის ნაწილია“, - განაცხადა ვენსმა.
ვენსის თქმით, ტრამპის განცხადება „თავისთავად მეტყველებს“ და დასძინა, რომ აშშ-ს, რუსეთს და ჩინეთს „დიდი ბირთვული არსენალები“ აქვთ.
„ზოგჯერ საჭიროა გარკვეული გამოცდის ჩატარება, რათა დავრწმუნდეთ, რომ ყველაფერი ფუნქციონირებს და გამართულად მუშაობს“, - აღნიშნა მან.
ვენსის თქმით, ვაშინგტონი სხვა ქვეყნებთან - „მათთანაც კი, ვისთანაც საუკეთესო ურთიერთობები არ გვაქვს“ - თანამშრომლობს ბირთვული იარაღის გავრცელების შეზღუდვის მიზნით.
შეგახსენებთ, დონალდ ტრამპმა განაცხადა, რომ ომის დეპარტამენტს დაავალა „დაუყოვნებლივ დაიწყოს აშშ-ის ბირთვული იარაღის გამოცდა“.
