ჩემი დაკავება იყო წინასწარ განზრახული, ჩემი აქტიურობიდან გამომდინარე, - ამის შესახებ რუსთაველის გამზირზე ადმინისტრაციული წესით დაკავებულმა ექიმმა, ვაჟა გაფრინდაშვილმა სასამართლო სხდომაზე განაცხადა.
"ჩემთვის ცნობილია, რომ თქვენ გადაწყვეტილება უკვე მიღებული გაქვთ და ამ გადაწყვეტილებას არ შეცვლით. მე გინდ გზა გადამეკეტა, თქვენ უნდა გამოიკვლიოთ ის, რასაც შინაგან საქმეთა მინისტრი გეკა გელაძე შვრება. 30 ადამიანს,რომლებიც გუშინ დააკავეს, შეუზღუდეს ყველანაირი უფლება, დაკავშირებოდნენ ოჯახის წევრებს. მე გეტყვით ახლა რა მოხდა. ყველაფერი 2-ის ნახევარზე დაიწყო, როდესაც ვიყავი გიორგი თავართქილაძის პროცესზე. როდესაც გამოვედი სასამართლოდან, მე დავრეკე 112-ში, გავაფრთხილე, რომ ვიქნებოდი 8-დან 11-საათამდე აქციაზე და თუ კი რაიმე სამართალდარღვევა იქნებოდა, აღეკვეთათ. ამის შემდეგ დამიკავშირდა გამომძიებელი, მთხოვა პირადი ნომერი, უარი ვუთხარი და შევთავაზე ჩემი სახელ-გვარით თავად დაედგინათ, დამიკიდა ყურმილი. ამიტომ,მე ვფიქრობ, ჩემი დაკავება იყო წინასწარ განზრახული, ჩემი აქტიურობიდან გამომდინარე", - "ტვ პირველის" ცნობით, განაცხადა ვაჟა გაფრინდაშვილმა.
შსს ვაჟა გაფრინდაშვილის 22 ოქტომბრის საღამოს, რუსთაველის გამზირის ხელოვნურად გადაკეტვას ედავება.
