არანაირი ხელოვნური გადაკეტვა არ ყოფილა, ესაა რეჟიმის წინააღმდეგ პროტესტის გამოხატვა, ესაა ყველაზე ბუნებრივი რამ, რაც კი ხდება რუსთაველზე დღეს -ამის შესახებ გზის გადაკეტვის ბრალდებით დაკავებულმა ტელეწამყვანმა ვახო სანაიამ თბილისის საქალაქო სასამართლოში მიმდინარე სხდომაზე.
"არანაირი ხელოვნური გადაკეტვა არ ყოფილა, ესაა რეჟიმის წინააღმდეგ პროტესტის გამოხატვა. [პოლიციელები] ეყრდნობიან რაღაცა კანონს, რასაც მე არ ვცნობ და ეს კანონია თავად უკანონო. ეს არაა ხელოვნური გადაკეტვა, ესაა ყველაზე ბუნებრივი რამ, რაც კი ხდება რუსთაველზე დღეს.
მინდა ვთქვა ერთი რამ - როგორც აქამდე გამოვხატავდით პროტესტს რუსთაველზე, აქედან რომ გამოვალ, მერეც გადავკეტავ, აქვთ რაღაც მუხლები გადანახული და შეგიძლიათ გამოიყენოთ.
მაინც ამოგთხრით! ძალიან მეძინება და მალე გამოაცხადეთ ეგ გადაწყვეტილება", - თქვა სანაიამ.
თბილისის საქალაქო სასამართლოში ტელეკომპანია „ფორმულას“ ტელეწამყვანის, ვახო სანაიას ადმინისტრაციული პროცესი მიმდინარეობს. შინაგან საქმეთა სამინისტრო ვახო სანაიას 18 ოქტომბერს, რუსთაველის გამზირზე საავტომობილო გზის ხელოვნურად გადაკეტვას ედავება.
