დღემდე არცერთი უწყება არ შემხებია, არცერთი ხმა ხელისუფლებიდან, არცერთი დახმარება სახელმწიფოსგან., - ამის შესახებ სოციალურ ქსელში 2024 წლის 3 დეკემბერს, თბილისში საპროტესტო აქციაზე დშავებული 21 წლის ალექსი თირქია წერს.
„ვის უნდა მივმართო, როცა სამართალი ჩუმია?”
დამნაშავე დღემდე თავისუფალია.
მე კი ტრავმირებული დავდივარ — თავზე ძვლის გარეშე, ტკივილით, შიშით და უპასუხოდ.
დღემდე არცერთი უწყება არ შემხებია, არცერთი ხმა ხელისუფლებიდან, არცერთი დახმარება სახელმწიფოსგან.
სადაა კომპენსაცია, როცა ადამიანი ასეთ დღეშია მიყვანილი?
სადაა ზრუნვა, როცა მოქალაქეს სიცოცხლე დაუნგრიეს?
რატომ არავინ სვამს კითხვას — რატომ არ დაისაჯა დამნაშავე?
რატომ მე უნდა ვატარებდე შედეგებს, როცა სხვები პასუხისმგებლობას არ გრძნობენ?
სისტემა, რომელიც თვალებს ხუჭავს ტრაგედიაზე, თანდათან თავად ხდება თანამონაწილე.
მე კი დღესაც ვდგავარ კითხვით — ვის მივთხოვო პასუხი, როცა სამართალი დუმს?“, - წერს ალექსი თირქია.
3 დეკემბერს, გამთენიისას, თბილისში საპროტესტო აქციის დაშლისას დაშავებულ 21 წლის ალექსი თირქიას, სავარაუდოდ, ე.წ. გაზის კაფსულა მოხვდა. ის ერთი კვირის განმავლობაში კომაში იმყოფებოდა.
