ჩეხეთის მმართველ კოალიციაში შემავალი პარტიის „ტრადიცია პასუხისმგებლობა კეთილდღეობა“ ახალგაზრდული ორგანიზაცია იგორ ნარმანიაზე განხორციელებულ თავდასხმას გმობს.
გავრცელებულ განცხადებაში ნათქვამია, რომ მიუღებელია ვინმე იყოს ძალადობის მსხვერპლი საკუთარი პოლიტიკური შეხედულებების გამო.
„მანამ, სანამ ჩეხეთში დემოკრატიის დღესასწაულია, ჩვენ მოგვივიდა სამწუხარო ინფორმაცია ჩვენი ქართველი კოლეგებისგან. „ერთიანი ნაციონალური მოძრაობის” ახალგაზრდული ორგანიზაციის თავმჯდომარე, იგორ ნარმანია გახდა თავდასხმის მსხვერპლი.
შეიარაღებული ჯგუფი თავს დაესხა მას და მისი გუნდის სხვა წევრებს, რკინის ბლაგვი საგნებით მაშინ, როდესაც ისინი ემზადებოდნენ განცხადების გასაკეთებლად, საპროტესტო აქციის შესახებ. იგორს დაზიანების შედეგად დასჭირდა ჰოსპიტალიზაცია.
აბსოლუტურად მიუღებლად მიგვაჩნია, რომ ვინმე იყოს ძალადობის მსხვერპლი საკუთარი პოლიტიკური შეხედულებების გამო. ჩვენ მკაცრად ვგმობთ აღნიშნულ თავდასხმას და სრულ სოლიდარობას ვუცხადებთ ჩვენს ქართველ პარტნიორებს.“ - წერია განცხადებაში.
განცხადებას „ერთიანი ნაციონალური მოძრაობა“ ავრცელებს
