ტეხასის შტატის კერის ოლქში ძლიერი წყალდიდობის შედეგად სულ მცირე 24 ადამიანი დაიღუპა. იუწყება BBC
ამასთან, 23-დან 25-მდე ადამიანია დაკარგული გოგონების საზაფხულო ბანაკ Camp Mystic-ში.
ამ დროისთვის გადარჩენილია 237 ადამიანი.
ტეხასის გუბერნატორმა გრეგ აბოტმა მომხდარი კატასტროფად შეაფასა და საგანგებო მდგომარეობის გამოცხადებას მოაწერა ხელი, რაც მაშველებს ყველა საჭირო რესურსზე წვდომას აძლევს.
სამაშველო სამუშაოები გრძელდება. გუბერნატორმა განაცხადა, რომ დაკარგულთა ძებნა გაგრძელდება.
ხელისუფლების წარმომადგენლების თქმით, ამინდის პროგნოზით, ნალექის ასეთი დიდი რაოდენობა არ იყო მოსალოდნელი.
აშშ-ის პრეზიდენტმა დონალდ ტრამპმა წყალდიდობას შოკისმომგვრელი და საზარელი უწოდა. დამოუკიდებლობის დღის აღნიშვნა მთელ შტატში გაუქმდა.
