ჰამასი დათანხმდა ღაზის სექტორში 60-დღიან ცეცხლის შეწყვეტასა და მძევლების გაცვლაზე ბოლოს შეთავაზებული წინადადების შესახებ მოლაპარაკებებში ჩაერთოს.
ამის შესახებ Wall Street Journal-ი მოლაპარაკებებში მონაწილე არაბ ოფიციალურ პირებზე და მოპოვებული შეთანხმების ასლზე დაყრდნობით იუწყება.
WSJ-ის წყაროების ცნობით, შეთანხმება შემუშავდა აშშ-ის სპეციალური წარმომადგენლის სტივ უიტკოფის და ეგვიპტისა და კატარის შუამავლების მონაწილეობით.
შეთანხმება ითვალისწინებს, რომ ჰამასმა ზავის დადების პირველ დღეს რვა მძევალი უნდა გაათავისუფლოს, ხოლო 50-ე დღეს კიდევ ორი.
ასევე ჰამასის მებრძოლებმა დაახლოებით 30 დაღუპული მძევლიდან ისრაელსზოგიერთი მათგანის ცხედარი უნდა გადასცეს.
სანაცვლოდ, ციხიდან დიდი რაოდენობით პალესტინელი უნდა გაათავისუფლოს.
ამ პერიოდის განმავლობაში ისრაელის ძალები ეტაპობრივად უნდა გავიდნენ ანკლავის გარკვეული ტერიტორიებიდან.
როგორც გამოცემა აღნიშნავს, ომის დასრულების მოლაპარაკებების გარანტიების გარდა, შეთავაზებული შეთანხმება ძირითადად მსგავსია წინა შეთანხმებებისა, რომლებიც თვეების განმავლობაში განიხილებოდა.
„გარანტები და შუამავლები - შეერთებული შტატები, ეგვიპტე და კატარი - უზრუნველყოფენ, რომ ცეცხლის შეწყვეტის რეჟიმი 60 დღის განმავლობაში შენარჩუნდეს და სერიოზული დისკუსიები ჩატარდეს მუდმივი ცეცხლის შეწყვეტისთვის აუცილებელ ღონისძიებებზე“, - ნათქვამია შეთავაზების უახლეს ვერსიაში.
